頭條12月16號報道有人走私象拔蚌，但係個標題變成象拔蚌自己偷渡...

毒果3月1號報道亞視死前有咩搞作，原來有得搞亞姐，唔怪之得啲員工咁忠心～

Topick 12月報道掃把頭點樣維持母女關係，想講「個女大個就會一齊睇戲」，點知變成一邊開大，一邊睇戲 :0)

無錢新聞1月6號報道李波案嗰陣，引用王毅嘅片，但係打transcript嗰個聽唔到佢lur脷lur咗嘅詞，又唔用個腦諗吓，兩中就俾佢統一咗喇。

白粉報10月報道侵侵啲非禮指控嗰陣，將個爪打咗做瓜，個畫面即刻唔同晒。

毒果8月出咗篇新聞，成篇垃圾到根本要重寫；我哋睇到篇嘢，caption都唔知落乜好。

場外點票報9月8號報道郭富城演唱會，話佢當眾對方媛示愛，但係佢句I Love You，神奇地變咗做L Love You。差咁遠都可以搞錯，果然係文盲記者應有風範。

無錢雜誌12月報道自己台嘅頒獎禮，連個名都可以寫錯，好明顯冇睇開啦。

無錢新聞9月30號採訪新一屆立法會議員，畫面明明顯示住黃洋達邵家臻，但係無錢就當咗佢係何君堯。（我哋總編面盲，所以唔小心一抽三都唔知，總編表示會繼續改善抽水能力。）

（BTW 邵家臻啲friend偷我哋圖用，來源就寫網絡，我哋梗係要表揚吓～）

人言報旗下Startup Beat，刊登專欄嗰陣連check都唔check吓，「Flash Player開PDF」咁離譜都出得街，咪俾大家笑囉。

Topick係Content Farm就係人都知，但係當啲人盲信佢哋，就好大鑊。佢哋6月淘大大火嗰陣出咗篇稿，話燒PVC會出山埃。我哋Admin覺得唔妥，問咗香港毒理資訊監察，原來係鳩吹。之後佢改完張圖仲要繼續錯，除咗慘慘豬之外都唔知可以講乜。

日月神報5月6號出Post話軍營對上有龍獅旗，其實係皇家香港軍團軍徽。我哋對於連google image search都懶嘅記者，真係膠都費事派。

人言報報道颱風妮妲嗰陣，將2013年翻炒完嚟嘅圖再翻炒，果然係環保重用夠晒慳皮。

白粉毒果畀迪士尼邀請去《星球大戰》記者會，一見到黑色裝甲白色裝甲，就自動定型做黑白武士喇。（之後毒果繼續柒落去，鳩估完出稿又放飯～）

歡樂電視8月20號轉播英超，上半場已經有三百幾次角球，真係成個球場變彈珠機（仲要只係上半場咋）

白粉同因航有仇就眾所周知，但係4月12號，白粉報終於伸出友誼之手，幫因航道歉。嗱，大家講和做返好朋友，咪幾好😙

澳門日報6月30號報道交通意外，但係點解啲受傷人數會自動增加嘅？ :o

日月神報報道立法會議員啲花邊新聞，竟然連「目前單身的楊岳橋有女朋友」都寫得出，我哋估計嗰位記者遊魂九十幾萬光年未返嚟。(有無人召喚佢返嚟地球？）

突發事故係各大媒體衝出嚟柒嘅黃金檔期，今次無錢新聞就嚟玩「停唔停市無獎競猜遊戲」，究竟12點前解除颱風信號嘅話，會唔會停市呢？好緊張呀！

無錢新聞啲記者可能真係無晒錢，所以走去轉行跳水，贏咗獎金就可以有飯食喇，點知打字幕嗰位唔小心講漏嘴，咁就通晒天。

ViuTV報道立法會選舉嗰陣，唔小心當咗李慧鯨子落選咗，我哋見到就即刻拍晒手掌啦，點知現實係殘酷的...

新雜誌EC Day創刊號嗰陣，將「吊頸自殺」殘轉正，就變成... （創刊號已經咁，唔怪得出咗兩期之後就已經唔見影）

毒果報道超強颱風嗰陣，竟然創造全新方位：西北偏東 :o)

日月7月報道非洲人嘗試偷渡去歐洲嘅新聞，竟然話六呎高嘅男人係身材矮小... #宜家啲記者要求真係高

毒果報道石天欣婚訊嗰陣，講到生BB，少咗個小字，就變成生朋友。各位毒撚如果想脫毒嘅話，識做啦。（不過首先...）

日月神報10月23號報道魚蛋革命示威者被控，被告列表竟然有個三歲細路，果然係佔中要從細學起。

RTHK 4月29號報道有人闖入路軌，點知打錯字就變咗撞路軌...

PCM報道蘋果（真嗰個，唔係香港嗰舊垃圾）下一代iOS有咩新功能嗰陣，竟然出現咗連記者會都冇提到嘅功能：遺言信箱！

日月神報10月29號報道警方破獲非法中介公司，原來間嘢專吸歲月，唔怪得知非法啦。

陰報7月20號報道德國火車斬人事件，搵咗個唔知乜春「國際漫遊協會」嘅所謂資深會員講埋啲戇鳩tips，我哋班Admin梗係即刻出post屌啦。

毒果國際版成日中伏係常識，上年仲試過假新聞上國際版頭版，俾文匯報同我哋恥笑，今次就係以為一張改圖係真，最後都難逃俾我哋恥笑嘅命運。

文匯報道英國各地對Brexit嘅態度嗰陣，唔記得咗英國第四國 —— 北愛爾蘭。 #幫人獨立係唔啱der

白粉報報道挪威首相熱愛Pokemon GO嗰陣，話佢去咗一個1938年之後已經唔存在嘅國家「孵蛋」。你哋咁樣借毒果時光機俾人造新聞唔得㗎喎～

抄報記者果然出名抄，今次數字週刊嘅記者連2013年嘅舊聞都唔放過，炒冷飯專家都要行埋一邊。

無錢新聞5月8號報道新任倫敦市長上任，竟然將巴基斯坦嘅首都當係伊斯坦堡，火雞人表示憤怒。

日月神報5月15號整咗張朝鮮領導人家庭關係圖，入面竟然有朴槿惠張相... #資訊量太大

日月神報報道港大評議會新聞嗰陣，用粗體標示質疑，但係學生會澄清就用幼體表示，博讀者睇唔到。

毒果報道梁天琦喺地鐵站被太公報記者追打，我哋Admin睇完之後都覺得事件有可疑。陳大文就整理咗有關疑點，究竟係咪有人想翻版陳健康，大家自己諗啦。

高溫體液報八月嗰陣出咗個post，話佢哋採訪緊何君堯記者會嗰陣，一個着住佢哋自家候選人Tee嘅記者被阻撓採訪，跟住佢哋就上網報道呢件事啦，真係慘慘豬。究竟係採訪，抑或係踩場，我哋諗只有當事人先知啦。

（當然我哋post高溫體液黨報出嚟，都預咗會有人出嚟話我哋蝦佢哋，我哋覺得有被逼害妄想症嘅病人，唔應該睇我哋呢個page，我哋遲啲又post嘢激死佢哋就唔好啦）

同人評論誌十一月去咗新海誠嘅簽名會諗住訪問佢，點知班毒果白粉記者就衝出嚟搞亂人個場，要成個世界就晒佢哋咁，問題又一條都冇，只係識抄抄抄。唔講，我哋以為佢哋係爛仔過嚟攪屎棍咋。

舊傳媒旗下新Monday十月報道柏豪老婆岑晉晴喺FB「移情別戀」，當事人兩個鐘之後出咗嚟澄清。我哋搵到男事主嘅Facebook，咁假嘅？究竟係女事主特登整假account博上報，定係有妓者特登製造新聞呢，大家自行定奪啦。

舊傳媒對於版權嘅態度係wfc就人人都知，今次就將人哋成條MV upload上FB專頁俾人睇，唔知下次華納出press release仲搵唔搵佢哋好？

數字週刊五月報道Oscar Ma桃色醜聞，FB post話佢呃蝦條，但係條題就變咗食蝦條，佢哋究竟避緊啲乜 :0)

5毛*20抄抄子鍾意偷圖抽火水就唔使講啦，今次佢哋download人哋記者喺Rio 2016奧運影嘅相，加幾隻字就當係自己相，嗰位記者就梗係出嚟屌柒5毛*20啦。

毒果12月28號報道港航手機程式懷疑泄漏客戶私隱，個報料者俾咗張圖佢，示範點樣睇人哋資料，點知唔知道QR Code係會出到呢堆資訊，最後全世界都scan到個code，遮完等於冇遮。