The Origin Of Our Harshtags

日月神報16年5月26號push咗條新聞講大台台慶植入式廣告，點知將無綫打咗做無錢，自此之後就俾我哋恥笑。冇晒錢，唔怪得之事事旦旦啦～

中出報16年報道淘大迷你倉大火嗰陣，竟然話死者對自己嘅死感難過... 咁樣搶墳總生意唔得㗎喎～

高溫體液報八月嗰陣出咗個post，話佢哋採訪緊何君堯記者會嗰陣，一個着住佢哋自家候選人Tee嘅記者被阻撓採訪，跟住佢哋就上網報道呢件事喇，真係慘慘豬。究竟係採訪，抑或係踩場，我哋諗只有當事人先知喇。

（當然我哋post高溫體液黨報出嚟，都預咗會有人出嚟話我哋蝦佢哋，我哋覺得有被逼害妄想症嘅病人，唔應該睇我哋呢個page，我哋遲啲又post嘢激死佢哋就唔好啦）

場外點票主席何柱國17年3月嗰陣話「星島日報」講嘢好少錯，然後我哋今年就搵到最少幾百個位錯 :0)

同場外點票同集團嘅頭七日報，17年7月報道自殺新聞嗰陣，生人都拗返死，讀者Lothian L Swapp一句「頭七日報。」，就變咗做頭條專用harshtag喇。

毒果報道2016年兒歌金曲第一位（好似係）Sine Angle Sine嗰陣，話全等三角形唔可以有ASS。我哋心邪，所以就整咗呢個harshtag俾大家一齊心邪喇。

毒果16年報道白衣白髮女踎公路，但係我哋只係見到白衣黑髮女，令我哋懷疑其實毒果係咪有陰陽眼記者。

香港電台2015年集得fusion神技，兩單新聞當一單報，幾慳位～

毒果16年5月12號出咗篇超多錯處嘅報道，總編心諗呢個報告根本就係proofreading exercise，所以就變咗呢個harshtag出嚟。

毒果16年報道組織遊行嗰陣，變出堆望落只有香城先會出現嘅地方名，令我哋懷疑其實班記者住喺隔離個平行時空度。

白粉同因航有仇就眾所周知，但係2016年4月12號，白粉報終於伸出友誼之手，幫因航道歉。嗱，大家講和做返好朋友，咪幾好😙

《大學線》2017年採訪毒果採主，呢句金句我哋足足笑咗七七四十九個時辰。

（Alternative caption: 我哋認為，你炒咗你自己先，然後用多出嚟嘅糧請返多啲人手就可以解決問題啦😀）

呢個唔洗多解釋啦。（連登原post在此）

澳門日報7月報導性侵案，讀者Kane Tsang創作咗 #新聞噏Macao 呢個harshtag，我哋改做 #新聞噏Macau，沿用至今。