當年一條《兒子生性病母倍感安慰》，開啟咗香港傳媒錯字漏字正常化嘅潘朵拉之盒。2015年，我哋四百幾個post，有差唔多一半都係因為錯漏字而俾我哋恥笑。編輯個位要我哋做埋，真係突顯出香港傳媒有幾咁高質。

有時真係覺得啲抄報好神奇，有能力抄人報道但係又冇能力fact check，連Google都懶嘅結果，最後就係俾我哋恥笑。

有時我哋都好想知道，啲記者寫一篇新聞，係咪完全不經大腦，然後連睇都唔睇就直接屙出嚟。以下嘅候選新聞，好充分地反映出，記者呢個位，真係識打中文字就可以做，不如請啲猩猩返嚟算數啦，可能仲make sense過你。

香港好似俾人話係文化沙漠，但係打開報紙，全版都係天馬行空嘅優質故事。所以話最好嘅作家，其實全部都係報館裡面～

香港啲抄報有國際視野㗎咩？睇吓以下嘅posts，就知道～（係啊，兩條新聞平手，我哋都冇辦法～）

我哋成日望到啲報紙鳩做新聞，已經司空見慣，但係有啲新聞，真係令我哋懷疑究竟記者嘅報格去咗邊，所以唔post唔得。